伊莉討論區

標題: 李敏鎬決定送全智賢返大海兩人情深吻別 [打印本頁]

作者: rousseau73 時間: 2017-1-20 07:44 PM 標題: 李敏鎬決定送全智賢返大海兩人情深吻別

由韓國女神全智賢同「長腿Oppa」李敏鎬主演嘅SBS劇集《藍海傳說》今晚播出第19集，下周三就會迎來大結局，承接噚晚一集講到李敏鎬為咗要令後母黃薪惠承認殺死咗父親，於是同李熙俊設計令黃薪惠同李知勳以為李熙俊會出賣李敏鎬，最終黃薪惠喺警察前直認罪證，李知勳得知被背叛後即時搶走警察嘅槍，並對住李敏鎬開槍，全智賢即時撲前為李敏鎬檔槍。

全智賢為了救李敏鎬而犧牲自己，最終中咗槍，並留下心裡話畀李敏鎬：「即使我唔喺你身邊也一直愛你，你也要一直生活，像普通人一樣，你也要活得長長久久，我唔想成為你嘅惡夢及傷口。」並即時送全智賢去醫院。
至於被警察拉走咗嘅李知勳就打算服毒藥自殺，最終死咗。而此時李敏鎬同騙子三人組都喺醫院留守等待全智賢嘅消息，醫生告知全智賢情況係奇蹟，又話全智賢平時係唔係食啲好特別嘅東西。
全智賢仍然昏迷，李敏鎬同母親羅映姬去探全智賢，羅映姬同李敏鎬講返之前同全智賢講過有關人魚公主嘅傳說，全智賢希望一齊都可以happy ending。而一直表現得唔知忠定奸嘅李熙俊原來係忠，古代佢原來有暗中幫助南部長，一直昏迷嘅南部長更突然醒過來，叫李敏鎬同李熙俊嘅古代名字。
李熙俊同李敏鎬講知道全智賢係美人魚，但強調自己唔會為錢出賣李敏鎬等人，此時全智賢亦終於醒過來，李敏鎬超級開心，仲不時拿起全智賢隻手係咁錫，又感激全智賢能夠平安回來。
失去記憶嘅逃犯成東日去見心理醫生，讓自己記返起前世嘅事，被催眠嘅成東日睇得返以前嘅一切，亦明白到點解自己嘅前世同今世會有咁關連。成東日一醒過來就要殺死心理醫生，因為心理醫生一直喺旁邊冷眼旁觀，此時李敏鎬趕到救咗心理醫生，警察亦來到捉走成東日。
至於一直暗戀李敏鎬嘅申惠善原來前世同樣得不到李敏鎬嘅愛，申惠善知道全智賢受傷去醫院探佢，全智賢同申惠善講佢嘅命運之人應該早就出現，鏡頭一轉就見申原昊出現，申原昊仲英雄救美，二人情深咀嘴。
李敏鎬為咗唔想全智賢嘅身份暴露，於是變身做醫生去醫院更改全智賢嘅醫療紀錄，等其他人唔好當全智賢係外星人，之後再接全智賢出院。點知返到屋企全智賢表現得悶悶不樂，仲為免李敏鎬聽到佢心聲就開行音樂，令李敏鎬大感奇怪。文素利夫婦來探羅映姬，見到李敏鎬等人，全智賢知道李敏鎬唔想媽咪知道騙子身份，所以就刪除咗文素利夫婦嘅記憶。
回到家中嘅全智賢身體狀況越來越差，個心臟仲成日痛，李敏鎬看在眼內好擔心，最後決定送全智賢回大海，臨別前佢哋食燭光晚餐，李敏鎬問全智賢回到大海係唔係會變好同變健康，李敏鎬請求全智賢唔好刪除自己嘅記憶，全智賢問佢即使自己喺大海一輩子，李敏鎬還會等自己？李敏鎬話會再轉世見佢，並將決定交畀全智賢，讓全智賢決定刪唔刪除自己記憶，全智賢說了一句：「我已經選擇好。」之後兩人就熱吻起來，至於李敏鎬記憶有冇被刪，就要等到下周三先知。

心得：藍海傳奇的口碑一般，都有大明星坐陣，收視始終不俗。

[attach]117425952[/attach][attach]117425953[/attach][attach]117425954[/attach][attach]117425955[/attach][attach]117425956[/attach][attach]117425957[/attach][attach]117425958[/attach][attach]117425959[/attach][attach]117425960[/attach][attach]117425961[/attach][attach]117425962[/attach][attach]117425963[/attach]

歡迎光臨伊莉討論區 (http://www96.eyny.com/)